Британија испраќа нов брод во Персискиот Залив

54

Велика Британија, поради тензиите со Иран, до крајот на годинава ќе испрати брод на Кралската морнарица ХМС Кент во Персискиот Залив за да ги заштити своите интереси и да обезбеди слободна пловидба, соопшти денеска Министерството за одбрана.

Министерството претходно наведе дека мисијата е рутинска, и распоредувањето на фрегатата било планирано одамна, но денеска објасни дека податоците биле помешани со оние кои се однесуваат на бродот за поддршка Вејв најт.

-Жал ни е што информацијата во врска со одамна планираното распоредување на бродот Вејв најт е помешана со испраќањето на бродот ХМС Кент во Персискиот Залив. Остануваме фокусирани на намалување на тензиите во регионот и ќе реагираме соодветно за да ги зачуваме британските интереси и да обезбедиме слободна пловидба- се наведува во соопштението и се истакнува дека тоа го потврдува и испраќањето на ХМС Кент во заливот.

Техеран претходно најави дека ќе одговори на чекорот на Британија, која заплени ирански танкер во Гибралтар.