Автомобил удри во група минувачи во Москва, има жртви

288

Автомобил „фолксваген поло“ удрил денеска во група минувачи на булевар во Москва, при што едно лице загинало, а деветмина се повредени, соопштија локалните власти.

Возачот на автомобилот со намера го насочил возилото кон минувачите по конфликт во кафеана.

Според првичните информации во кафеаната, која се наоѓала на московскиот булевар, неколку мажи се расправале. Едниот од нив влегол во автомобилот и почекал останатите учесници во конфликтот да излезат од угостителскиот објект. Потоа влетал со автомобилот, соопшти полицијата, потврдувајќи дека учесниците во инцидентот се државјани на Казахстан.