Организаторите на Летните олимписки игри (ЛОИ) во Токио летово соопштија дека комплетирањето на центарот „Акватик“ значи дека сите објекти се завршени навреме. Центарот „Акватик“, во кој ќе се одржуваат натпреварите во пливање и во скокови во вода, е еден од осумте новоизградени објекти изградени за ЛОИ, покрај олимпиското село. Националниот стадион, епицентарот на Игрите, на кој тие треба да бидат отворени на 24 јули, беше комплетиран пред предвидениот рок, во ноември 2019 година. Вкупно 43 спортски објекти, од кои 25 постојни и 10 привремени, ќе бидат користени на Игрите во Токио.
