Светската шампионка Микаeлa Шифрин (САД) го освои последниот слалом сезонава во Светскиот куп во ски-алпски дисциплини во Солдеу (Андора). Шифрин (24) беше втора по првата трка со 53.42 секунди, но ја освои втората со 54.73 секунди, по што победи на трката со вкупно време од 1:48.15 минути. За Американката тоа е 59-тата победа на Светското првенство и 40-та во слалом, информира МИА.

Втора на 7 стотинки заостанување беше лидерката по првата трка, Венди Холденер (Швајцарија), која уште еднаш не успеа да стигне до првата победа во оваа дисциплина. Швајцарката, кој има три успеси за Светскиот куп, досега забележа 22 подиуми во слалом, но нема победа. Трета со 1,20 секунди заостанување заврши Петра Влхова од Словачка.

Олимписката шампионка во слалом од Пјонгчанг 2018, Фрида Хансдотер (Шведска) заврши петта на 1,89 секунди зад Шифрин во последната трка во својата кариера. Микаела Шифрин веќе има рекордни 16 победи за сезоната во Светскиот куп пред финалниот старт утре. Со нејзината 40-та победа во слалом, таа го изедначи рекордот на шведската легенда Ингемар Стенмарк.

Шифрин оваа сезона го освои големиот Кристален глобус трета година по ред, откако ги освои малите во слалом и супер-џи и е блиску до освојување на трофејот во велеслалом пред последната трка сезонава, која е на програмата утре. Таа може да стане првиот скијач со четири Кристални глобуси во една сезона.

Шифрин завршува на чело на табелата во слалом со 1.160 поени, пред Влхова со 877 поени и Холденер со 681 поени.

Американката ја помина границата од две илјади поени и со 2104 води во генералниот пласман, пред Петра Влхова (Словачка) со 1.295 поени и Венди Холденер (Швајцарија) со 1.039 поени.

Конечен пласман во женскиот слалом во Солдеу:

1. Микаела Шифрин (САД) – 1:48.15 минути (53.42 секунди во првата трка и 54.73 секунди во втората)
2. Венди Холденер (Швајцарија) – 1:48.22 (53.14 и 55.08)
3. Петра Влхова (Словачка) – 1:49.35 (54.36 и 54.99)
4. Ана Свен Ларсон (Шведска) – 1:49.73 (54.40 и 55.33)
5. Фрида Хансдотер (Шведска) – 1:50.04 (54.67 и 55.37)
6. Бернадате Шилд (Австрија) – 1:50.45 (55.09 и 55.36)

Пласман во слалом:

1. Микаела Шифрин (САД) – 1160 поени
2. Петра Влхова (Словачка) – 877
3. Венди Холденер (Швајцарија) – 681
4. Ана Свен Ларсон (Шведска) – 486
5. Фрида Хансдотер (Шведска) – 479
6. Катарина Трупе (Австрија) – 379

Генерален пласман за Светскиот куп:

1. Микаела Шифрин (САД) – 2.104 поени – шампион
2. Петра Влхова (Словачка) – 1295
3. Венди Холденер (Швајцарија) – 1039
4. Никол Шмидхофер (Австрија) – 771
5. Викторија Ребензбург (Германија) – 769
6. Федерика Брињоне (Италија) – 764