Нико Али Волш, внукот на најголемиот боксер на сите времиња, Мухамед Али, победи во својот прв професионален меч во шорцеви кои ги добил на подарок од великанот.
21-годишниот Али Волш лесно го реши противникот Џордан Викс, нокаутирајќи го по само 70 минути во рингот во меч во средна категорија во Катуса, Оклахома.
„Ова беше многу емотивен меч за мене и мислам дека ги исполнив очекувањата. Секако, размислував за мојот дедо постојано, многу ми недостасува“, изјави Али Волш по мечот.
Мухамед Али трипати стануваше шампион во тешка категорија, станувајќи легенда на спортот и еден од ретките спортисти кои ги надмина границите на популарноста на боксот. По долгата борба со Паркинсоновата болест, Али почина во 2016 година. Али Волш е син на ќерката на Мухамед Али, Рашида Али.
