Ѓорческа освои два трофеја во низа со само три загубени сета

319

Македонската тенисерка Лина Ѓорческа за седум дена освои два трофеја. Таа славеше вчера на турнирот во Анталија (Турција), каде што го освои трофејот и една недела претходно. Во десетте победи во низа на двата турнира, Ѓорческа загуби само три сета.

Минатата недела таа беше прва носителка на турнирот во Анталија и во финалето вчера ја победи Орпана од Финска со 2-1 во сетови (6-4, 6-7 и 6-1). Тоа е 11-от трофеј на Ѓорческа во поединечна конкуренција, а вкупно има 52 (таа освои 41 трофеј во игра на двојки).

Турнирите во Анталија се играа за награден фонд од по 15.000 долари, на терени со тврда подлога. Можен е напредок на Ѓорческа на листата на ВТА за десетина места (според специјализираните интернет-страници за формирање листа во живо).