Хиршер победник на велеслаломот во Аделбоден

61

Двократниот олимписки шампион Марсел Хиршер беше најбрз на денешниот велеслалом во швајцарски Аделбоден, информира МИА.

Австриецот двете трки ги заврши со вкупно време 2.26.54 минути (1.12.51 + 1.14.03). За Хиршер ова беше 66. победа во Светскиот куп и 32-ра во велеслалом.

Второто место му припадна на норвешкиот скијач Хенрик Кристоферсен со време 2.27.25 минути (1.12.39 + 1.14.86), а трет беше Тома Фанара од Франција со 2.27.58 минути (1.12.83 + 1.14.75).

Во поредокот во велеслалом води Хиршер со 540 бода, пред Кристоферсон со 302 и Пинторо со 276.

На табелата во Генералниот пласман во Светскиот куп лидер е Хиршер со 876 бода, пред Кристоферсон со 511 и Пинторо со 444.