Тием победник на „Адрија тур“ во Белград

48

Австрискиот тенисер Доменик Тием победи на првиот турнир од „Адрија тур“, кој се одигра во Белград. Тој во финалето славеше против Србинот Филип Крајиновиќ со 2-1 во сетови (4-3, 2-4, 4-2). Тием го искористи отсуството на Србинот Новак Ѓоковиќ, (кој не ја помина групата) и ја оправда улогата на фаворит во финалето.

– Првпат сум во Србија и навистина е прекрасно. Не можев да замислам дека во ваква ситуација сѐ толку добро ќе биде организирано. Атмосферата беше неверојатна и треба да сте среќни што имате спортски амбасадор на вашата земја каков што е Ѓоковиќ – изјави Австриецот на завршната церемонија.

Најдобриот светски тенисер Ѓоковиќ иако го совлада Германецот Александер Зверев со 2-1 во сетови, сепак не успеа да се пласира во финалето, оти изгуби еден сет, но затоа, пак, му го отвори патот до финалето на Филип Крајиновиќ, од кого Новак претходно загуби со 1-2 во сетови.

Следниот викенд „Адрија тур“ се сели во Задар, а потоа во Бања Лука. Турнејата во Црна Гора е откажана поради затворените граници од пандемијата на коронавирусот.