Одржан ултрамаратон во карантински услови

406

Ниту сите забрани со кои во моментов се соочува целиот свет поради пандемијата на коронавирусот, не спречија повеќе од 2.500 тркачи од 50 земји да учествуваат во предизвикот наречен „Карантин-двор-ултра“. Тркачите беа предизвикани да трчаат по 6,7 километри секој час, во дворот од својата куќа или на подвижна лента, а победник е тој што истрча најмногу рунди. Најистраен во карантинската трка беше 45-годишниот Американец Мајкл Вардијан, кој истрча 63 трки, односно трчаше 42 часа во кои помина 422 километри.

Тој е еден од најпознатите светски ултрамаратонци и екстремни спортисти, човек што победувал на голем број предизвици, вклучувајќи го и Светскиот маратонски предизвик, во кој за седум дена се трчаат седум маратони на седум континенти.