Енди Мареј недоволно подготвен за да настапи во сингл-конкуренцијата на УС Опен

31

Поранешниот прв светски тениски рекет, Британецот Енди Мареј нема да настапи во сингл на гранслемот УС Опен.

Мареј, кој вчера беше поразен од Ришар Гаске со 6-4, 6-4, на Мастерсот во Синсинати како прв спортист со вграден метален колк потврди дека нема да се натпреварува во поединечна конкуренција на четвртиот годинешен гренд-слем.

– Одлуката ја донесов во договор со тимот. Не сакав да земам специјална покана затоа што не знам како ќе се чувствувам по мечот. Сакам да бидам искрен и да кажам дека ми се потребни неколку меча – рече Мареј.

Британецот против Гаске во сингл го одигра првиот меч од јануари кога настапи на Австралија Опен. Во меѓувреме имаше операција на колкот.

УС-Опен се игра од 26 август до 8 септември.