Селекторот на машката ракометна репрезентација, Раул Гонзалес, го скрати списокот на 20 ракометари на кои ќе смета за претстојниот собир за одигрување на квалификациските дуели против репрезентациите на Турција и на Грција, за пласман на ЕП 2020 година.
Во отсуство на поштедениот организатор на играта Филип Миркуловски, неговото место Гонзалес го пополни со централниот бек на Еурофарм, Филип Чурлевски, што е и единствена промена од претходните собири. Од поширокиот репрезентативен список ги нема Костадин Петров, Марко Мишевски, Томислав Јагуриновски, Марио Танкоски, Димитар Димитриоски, Филип Арсеновски, Милорад Кукоски и Мартин Манасков.
Во првиот квалификациски натпревар, кој ќе се игра на 25 октомври (20.15 ч) во салата „Боро Чурлевски“ во Битола, македонските ракометари за противник ќе ја имаат Турција, а потоа ќе ѝ гостуваат на Грција во Кожани, во меч што ќе се игра на 28 октомври од 18.30 ч. Собирот на репрезентацијата е закажан за понеделник, (22 октомври) во 16.30 часот во хотелот „Александар Палас“ во Скопје.
Список на ракометари
ГОЛМАНИ: Мартин Томовски (Металург), Борко Ристовски (Бенфика), Никола Митревски (Констанца), Златко Даскаловски (Стразбур), КРИЛА: Мартин Манасков (Веспрем), Гоце Ојлески (Еурофарм), Гоце Георгиевски (Букурешт), Мартин Поповски (Вардар). БЕКОВИ: Кирил Лазаров (Нант), Немања Прибак (Бешикташ), Филип Талески (Левен), Филип Лазаров (Ратинган), Филип Чурлевски (Еурофарм), Филип Кузмановски (Еурофарм), Велко Маркоски (Констанца), Горан Крстевски (Еурофарм), Мартин Велковски (Металург), ПИКЕРИ: Стојанче Стоилов (Вардар), Жарко Пешевски (Запорожје), Никола Марковски (Еурофарм).
