Во финалето на завршниот фајналфор, ракометарите од Автокоманда го совладаа Вардар со 23-21
Младинците на Металург 2 се старо-новите ракометни шампиони на Македонија, откако во финалето на завршниот фајналфор турнир, славеа над врсниците од Вардар со 23-21. За младите металурзи ова е трета титула во низа во младинска конкуренција, а исто така и трета титула сезонава во младите категории на ракометниот расадник Металург. Претходно до титули стигнаа пионерките и младинките на Металург.
Во мечот за трето место младите ракометари на КЛ-7 Струга забележаа победа од 21-19 над Борец од Велес.
Левиот бек на Металург 2, Стефан Додиќ беше прогласен за најдобар стрелец и за МВП (најкорисен играч) на завршниот турнир, а во најдобрата седморка на завршницата се најдоа: голманот на Борец Бојан Солев, левото крило на Металург 2 Дарио Кофиловски, левиот бек на Металург 2 Стефан Додиќ, средниот бек на КЛ-7 Струга Дејан Џигеровски, десниот бек на Металург 2 Ненад Костески, десното крило на Вардар Ален Ќосевски и пикерот на КЛ-7 Струга Филип Пајковски.
Прваци во последните 10 сезони
ГОДИНА КЛУБ
2009 Пелистер
2010 Пелистер
2011 Вардар
2012 Текстилец
2013 Пелистер
2014 Вардар
2015 Вардар
2016 Металург 2
2017 Металург 2
2018 Металург 2
