Серија тест-мечеви на Металург пред европските дуели во февруари

40

РАКОМЕТ

Со денешниот пријателски меч (12.30 ч.) со Вардар, ракометарите на Металург ќе го имаат првиот тест пред почетокот на пролетниот дел од сезоната, која за нив почнува на 6 февруари, со гостински дуел кај рускиот првак Чеховски медведи, во меч од Лигата на Европа. И двата тима во денешниот дуел ќе настапат во некомплетни состави, поради отсуството на репрезентативците од своите редови. В понеделник и во вторник металурзите ќе одиграат два контролни меча кај косовскиот тим Беса, а последниот тест во пресрет на продолжението од сезоната ќе го имаат на 29 јануари, со екипата на Тиквеш.
Според распоредот на Европската ракометна федерација, во кој се уфрлени и одложените мечеви од есенскиот дел, металурзите во февруари ќе треба да одиграат шест меча во ЛЕ. По гостинскиот меч кај Чеховски медведи, на 6 февруари, три дена подоцна Металург треба да го пречека француски Тулуз, потоа на 14 и на 16 февруари (и двата меча на гости) треба да се сретнат со полската Висла, на 20 февруари дома е средбата со Чеховски медведи, а февруарската серија треба да ја завршат на 23-ти, со гостување кај австриски Фиверс. Последниот меч од групната фаза сезонава металурзите треба да го играат дома, на 2 март, со шпански Адемар Леон.


РАСПОРЕД НА МЕЧЕВИ ВО ЛЕ

Чеховски М. – Металург 6.2
Металург – Тулуз 9.2
Металург – Висла 14.2
Висла – Металург 16.2
Металург – Чеховски М. 20.2
Фиверс – Металург 23.2
Металург – Адемар Леон 2.3