Пионерите паднаа на првиот тест

116

Пионерската машка ракометна репрезентација на Македонија доживеа два високи порази на пријателскиот турнир „Три нации“, кој се играше во Ѓер, Унгарија.
Многу работа им претстои на тренерите Андријана Будимир и на Дарко Петровски бидејќи нивните избраници и во двата меча покажаа многу слабости во играта. Тешко им одеа и организацијата и реализацијата на нападот, а премногу слаба и без мотив им беше и играта во одбраната.

Во првиот меч македонските надежи од генерацијата 2002/2003 беа поразени од врсниците од Србија со 18-36, а во вториот натпревар домаќинот Унгарија славеше со 25 гола разлика, 39-14 (18-8).

Во дуелот со Србија најефикасен во македонскиот состав беше Едвин Омерагиќ со пет гола. Ракометарот на Металург Стефан Додиќ беше најрасположен во српскиот состав и даде 10 гола.