Петта последователна победа на ЖРК Куманово

55

Во рамките на петото коло од женската ракометна суперлига ракометарките на ЖРК Куманово вечерва на гостувањето во Скопје ја совладаа екипата на ЖРК Шампион со 19:35 (11:17) со што ја постигнаа и својата 5-та последователна победа во првенството со којашто и понатму заедно со екипата на ЖРК Металург останаа на делба на челната позиција на табелата.

Ракометарките на Куманово според очекувањата лесно и убедливо ја совладаа домашната екипа на ЖРК Шампион со 35:19 со што ја продолжија успешната победничка серија и со пет победи од исто толку натпревари и понатаму останаа на водечката позиција на табелата. Вечерашната победа ракометарките на Куманово ја најавија уште по завршување на првото полувреме, кое го добија со 17:11 за да потоа во продолжението со рутинска и ефикасна игра стигнат до уште една висока и заслужена победа.
Најефикасни ракометарки во победничката екипа на Куманово беа Ана Шарановиќ со 8 и Јована Кипријановска со 4 голови додека пак кај домашната екипа на ЖРК Шампион , Тамара Богоевска со 4 и Симона Димитриевска и Нина Неделковска со по 3 постигнати голови.
Во наредното 6 коло екипата на ЖРК Куманово на домашен терен се среќава со екипата на ЖРК Кузман Вардар од Скопје за да потоа во наредното 7 коло во дербито на есенскиот дел од првенството и гостуваат на екипата на ЖРК Металург во Скопје.
Т.Д.