Лазаров оствари уште еден неверојатен подвиг

493

Капитенот Кирил Лазаров влезе во историјата со подвигот остварен во синоќешниот пораз на Македонија од Шведска (20-32) на ракометниот Мундијал во Египет. Тој стана првиот ракометар кој постигнал гол на Светско првенство во четири различни декади.

Првиот негов погодок на мундијалите беше во истата сала во која тој настапи и синоќа, во Каиро, во далечната 1999 година, кога како 19-годишник стрелаше прецизно во последните секунди на мечот што Македонија го доби против Саудиска Арабија.

Против Швеѓаните, вчера со полни 40 години, Лазаров реализираше со 50-отстотна успешност, забележувајќи пет гола од 10 обиди.