Лазаров не успеа да го круниса рекордот со трофеј

1057
Момент од финалето

Капитенот на македонската ракометна репрезентација Кирил Лазаров не успеа да го освои трофејот во Лигата на шампионите (ЛШ), откако неговиот Нант беше поразен од Монпелје со 26-32, во финалната пресметка помеѓу француските клубови на фајналфор-турнирот во Келн.

Лазаров постигна шест гола, со што се зацврсти на позицијата на најдобар стрелец на фајналфор-турнирите со вкупно 65 погодоци. За одличниот десен бек, ова беше трет пораз во четвртото финале на ЛШ. Тој стана европски првак со Барселона во 2015 година.

Монпелје кој го совлада Вардар во полуфиналето (28-27), го повтори успехот од 2003 година, со што и натаму останува единствен француски клуб кој ја освои ЛШ.

Ланскиот првак Вардар заврши на четвртата позиција, откако загуби минимално од ПСЖ 28-29 во дуелот на поразените полуфиналисти, што беше реприза на финалето од минатата сезона.