Димитриоски и Мисовски ќе му асистираат на Брестовац во Металург

101

Шефот на стручниот штаб на Металург, Данило Брестовац, го комплетира тимот на тренери со кои ќе работи на спроведување на своите идеи и замисли во напредокот на Металург. Прв асистент ќе му биде Оливер Димитриоски, со кого пред шест години ја предводеа генерацијата 1996/1998, а тренер на голманите останува досегашниот тренер Петар Мисовски.

Металург подготовките за новата сезона ќе ги почне в понеделник. Во следните три дена ќе се тренира во Скопје, а потоа екипата ќе замине во Маврово, каде што традиционално е на висински подготовки. Металург ќе тренира во Маврово до 18 август, а потоа ќе замине во Струга, каде што во рамките на македонскиот Суперкуп ќе игра со Вардар.

По одигрувањето на Суперкупот, Металург ќе ги продолжи подготовките во Скопје, а во тој период се предвидени и неколку пријателски натпревари. Првиот натпревар во новата сезона е мечот од 1. коло од Регионалната лига, предвиден за 28 или за 29 август, против Вардар.