Кошаркарите на Лос Анџелес лејкерс забележаа убедлив триумф со 127:101 изминатата ноќ на гостувањето кај актуелниот НБА шампион Голден Стејт вориорс.
Мечот го одбележа и повредата на ѕвездата на Лејкерси, Леброн Џејмс кој го заврши натпреварот предвреме. Џејмс некаде на средината на третата четвртина се пожали на повреда на препоните и го напушти теренот.
Во победничкиот состав се истакнаа Кајл Кузма со 19 поени, Ивица Зубац си 18 поени и 11 скока, додека Леброн застана на 17 поени и 13 скока.
Кај домаќините најефикасни беа Андре Игудала со 23 и Кевин Дурент со 21 поен.
На другиот дуел одигран ноќта меѓу вторник и среда Јута беше поуспешна од Портланд со 117:96.
Пласман Западна конференција: Денвер 21-10 (победи-порази), Голден Стејт 23-12, Оклахома 21-12, ЛА лејкерс 20-14, ЛА клиперс 19-14,…
Пласман Источна конференција: Торонто 25-10, Милвоки 23-10, Индијана 22-12, Филаделфија 22-13, Бостон 20-13
