Препознатливото оружје на Дончиќ ги отстранува сомнежите

445

Кошаркарските експерти предупредуваа дека недоволно изразените атлетски способности на Лука Дончиќ (19) би можеле да можеле да претставуваат проблем за младиот словенечки кошаркар во НБА-лигата, но се чини дека тој е на пат да ги отстрани нивните сомнежи со помош на неговото препознатливо оружје – скок шутот со чекор наназад.

Користењето на овој удар од страна на Дончиќ делува охрабрувачки на почетокот од неговата НБА-кариера, откако бекот на Далас маверикс погоди 11 од 33 шутеви од далечина, упатени со чекор наназад.

– Доколку успее да го претвори својот препознатлив потег во легитимно оружје, тоа би можело да му помогне да ги надомести физичките ограничувања – се наведува во анализата на страницата на НБА-лигата.

Кошаркарските познавачи истакнуваат и дека Дончиќ допрва ќе треба да ги докаже плејмејкерските способности. Талентираниот тинејџер има импресивен просек од 19,3 поени, 6,9 скока и 4,1 асистенција во досегашните 18 одиграни средби.