Младите кошаркари до 14 години со прв триумф на „Словенија Бол“

160

Македонската кошаркарска репрезентација до 14 години оствари прва победа на турнирот „Словенија Бол“, кој се одржува во Словењ Градец, Словенија. Младите кошаркари славеа победа со 82-55 над своите врсници од Хрватска. 

Нашите надежи во првото коло загубија од Словенија, но денеска одиграа многу подобро и доминираа против Хрватите. 

Најдобар во нашиот состав беше Марко Трипуноски со 18 поени, а кај Хрватите најпрецизен беше Лука Крајновиќ со 22 коша. 

Во текот на утрешниот ден М14 ги очекуваат уште два натпревари во групата. 

Во 9:00 часот „жолто-црвените“ играат против селекцијата на Русија, а од 14:30 часот следи дуелот против селекцијата на Унгарија.