Кошаркарските кадети пред тежок предизвик на ЕП во Скопје

84

Македонската машка кадетска репрезентација за кошаркари до 16 години, ќе биде пред тежок предизвик на Европското првенство (ЕП), дивизија А, кое ќе се одржи во Скопје в година. Ждрепката, која беше влечена во германскиот град Фрејзинг (во сите младински конкуренции, мажи и жени), одреди црвено-жолтите да играат во групата Д заедно со традиционално силните селекциите на Шпанија, Италија и на Израел.
Ако ја поминат првата фаза (пласман од првото до третото место), македонските надежи ќе вкрстат со групата Д, каде што, исто така, се квалитетни репрезентации, Литванија, Хрватска, Словенија и Данска.

Освен машките кадети, сите други македонски селекции (машки и женски) ќе играат во дивизијата Б. Македонските јуниори (кошаркари до 18 години) се најдоа во групата Д во Орадеа (Романија) заедно со домаќинот, потоа Летонија, Данска, Белорусија, Шведска и со Косово. Репрезентацијата до 20 години на ЕП во Тбилиси, Грузија е во групата Ц заедно со домаќинот, потоа Русија, Естонија и со Норвешка.
Женската кадетска репрезентација ќе игра во Сараево (17-26 јули), во групата Ц со Полска, Романија, Ирска, Словачка и со Косово, а на ЕП за јуниорки во Австрија (3-12 јули) Македонките се во групата Д заедно со Хрватска, Шведска, Естонија и со Бугарија.


ПРЕТХОДНИ ПЛАСМАНИ НА ЕП
СЕЛЕКЦИЈА МЕСТО ДИВИЗИЈА
Кадети (16 год.) 12 A
Јуниори (18 год.) 4 Б
Младинци (20 год.) 16 Б
Кадетки (16 год.) 22 Б
Јуниорки (18 год.) 21 Б