Кошаркарите во „балонот“ во Талин, а кошаркарките во Рига

49

КВАЛИФИКАЦИИ ЗА ЕП 2022

Ноемвриските квалификациски натпревари за пласман на Европското првенство (ЕП) во 2022 година, машката кошаркарска репрезентација на Македонија ќе ги игра во Талин (Естонија), а женската во Рига (Летонија), одлучи Бордот на ФИБА поради пандемијата на ковид-19. Македонија ќе игра со Италија на 27 ноември, а против еден од главните конкуренти, Естонија, три дена подоцна. На првите две средби Македонија загуби, од Естонија дома и од Русија на гости. Првите три селекции од секоја од осумте групи, не сметајќи ги домаќините на ЕП, ќе се пласираат на континенталното првенство. Од групата Б, каде што е Македонија, на ЕП ќе играат најдобрите две селекции, не сметајќи ја Италија, која е еден од организаторите на ЕП, заедно со Чешка, Германија и со Грузија.
Во, Летонија пак, ќе се одржи ноемврискиот дел од мечевите во групата И, каде што кошаркарките на Македонија ќе играат со Хрватска на 12-ти и со Германија на 14 ноември. Домаќините на турнирите за февруарскиот дел од квалификациите, ФИБА треба да ги одреди во декември.