Фудбалерот на Манчестер сити, Бенжамин Менди (27), кој е обвинет за повеќе силувања и сексуални напади, ќе се брани од слобода, откако му беше одредена кауција.
Тој беше во притвор од неговото апсење во август. Францускиот фудбалер е обвинет за вкупно седум силувања, а се соочува и со едно обвинение за сексуален напад.
Неговото судење требаше да почне месецов, но сега е одложено барем до јуни. Менди беше пуштен на слобода, но не смее да ја напушта својата домашна адреса, да контактира со никого од обвинетите и треба да го предаде пасошот.
Левиот бек пристигна во Сити од француски Монако во 2017 година за 52 милиони фунти, а по обвиненијата клубот го суспендираше.
