Светската фудбалска федерација (ФИФА) треба да му исплати на Ливерпул два милиона фунти (2,23 милиони евра) како обесштетување за покривање на платите на повредениот дефанзивецот на Ливерпул, Џое Гомез (23). Центархалфот на Англија го повреди коленото на тренингот пред пријателската средба со Република Ирска (3-0), а процените се дека ќе го пропушти остатокот од сезоната. И фудбалерите на Англија се опфатени со програмата за заштита на клубовите на ФИФА, односно со пакетот за осигурување што им овозможува да добиваат пари како обесштетување во вакви случаи. Заштитата ги опфаќа повредите на играчите на сите мечеви во сениорска конкуренција и тренинзите. Максималната сума што одреден клуб може да ја добие како покритие е 6,75 милиони фунти (7,5 милиони евра), кои покриваат 365 дена.
