Роналдо во моментов има 739 погодоци за клубовите и за репрезентацијата, во споредба со 704-те гола на Меси, но неизвесноста продолжува
Фудбалот веројатно никогаш не бил сведок на ривалство какво што е помеѓу Аргентинецот Лионел Меси и Португалецот Кристијано Роналдо. Двете суперѕвезди ги дефинираа последните две децении во овој спорт, насекаде соборувајќи рекорди. Тие неколку години играа еден против друг, предводејќи ги Барселона (Меси) и Реал Мадрид (Роналдо) во шпанската Ла лига. Шпанскиот дневен спортски весник „Марка“ ги спореди нивните неверојатни кариери во поглед на остварените цели.
Роналдо има вкупно 739 погодоци за клубовите и за репрезентацијата, во споредба со 704-те гола на Меси, но неизвесноста продолжува. На ниво на клуб, разликата е тесна, Кристијано има 638 гола за португалски Спортинг, англиски Манчестер јунајтед, шпански Реал Мадрид и италијански Јувентус, а Меси 634 гола за Барселона, каде што настапувал досега. На меѓународната сцена, Роналдо достигна нови височини, со 100-от и 101-от гол за репрезентацијата на Португалија неодамна. Меси, пак, ја затресол мрежата 70 пати за Аргентина.
Меси бил најефикасен во сезоната 2011/2012 со 73 гола, а најнеефикасен во сезоната 2004/2005, со само еден, или досега во просек по сезона постигнува 35,5 гола. Роналдо, пак, најмногу бил прецизен во сезоната 2014/2015 со 61 гол, а најмалку, пет, постигнал во сезоната 2002/2003. Неговиот просек по сезона е 39,6.
Во меѓународниот фудбал, Роналдо освои два трофеја за Португалија, на Европското првенство (ЕП) во 2016 година и во Лигата на нациите во 2019 година. Меси, пак, ги освои младинското Светско првенство (СП) и Летните олимписки игри, но загуби во финалињата на сениорското СП во Бразил во 2014 година и на Копа Америка.
Што се однесува до „златната топка“, Хрватот Лука Модриќ во 2018 година ја прекина децениската доминација на оваа феноменална фудбалска двојка, пред Меси да ја додаде и шестата топка за најдобар фудбалер во светот, а Роналдо засега има пет.
Кристијано Роналдо Лионел Меси
РОДЕНИ
5.2.1985 (35 г.) 24.6.1987 (33 г.)
ДРЖАВА
Португалија Аргентина
ПРОФЕСИОНАЛНО ДЕБИ
14.8.2002 17.10.2004
КЛУБОВИ
Спортинг, Манчестер Ј., Реал, Јувентус Барселона
ГОЛОВИ ЗА КЛУБОВИ
638 634
ГОЛОВИ ЗА РЕПРЕЗЕНТАЦИЈА
101 70
