Селекторот на фудбалската репрезентација на Македонија, Благоја Милевски, повика 24 играчи за последните два натпревара во квалификациите за пласман на Светското првенство во Катар, против Ерменија и Исланд.

За овие квалификациски натпревари, селекторот нема да може да смета на Аријан Адеми и Бобан Николов, а во составот се враќа Енис Барди. На списокот има еден дебитант, Валон Етеми кој игра во турски Истанбулспор.

Македонските фудбалери на 11 ноември ќе гостуваат во Ереван, а три дена подоцна ќе го пречекаат Исланд.

– Ерменија е добро познат противник за нас. Не чека тежок меч и тие имаат шанси за второто место. Додека постојат и најмали шанси ние ќе се бориме за второто место – изјави Милевски.

Германија го освои првото место во групата Ј и се пласираше на СП 2022. За второто место, што води во доигрувањето, се борат Романија која има 13 бода, и Македонија односно Ерменија, кои имаат еден поен помалку.