Шпанската Ла Лига планира да игра мечеви во САД

55

Водечките луѓе на шпанската фудбалска Ла Лига планираат неколку првенствени натпревари да се одиграат во САД, освен големото дерби помеѓу Реал Мадрид и Барселона.

Според соопштението, лигата планира натпревари во САД како дел од 15-годишното партнерство со групата „Релевент“, со цел да се промовира фудбалот во Северна Америка.

Не се дадени повеќе детали, освен дека се уште се договора за организацијата и термините, а оваа сезона можно е да се одигра барем еден натпревар во САД.

Хавиер Тебас, претседателот на шпанската лига, ја негираше можноста „ел-класико“ помеѓу Реал Мадрид и Барселона, да се одигра надвор од Шпанија.

Групата „Релевант” е организатор на најголемиот претсезонски турнир, Меѓународниот куп на шампиони, каде Барселона и Реал минатата година играа во Мајами.