Статуа за навивачот кој иако беше слеп имаше сезонски билет

229

Шпанскиот клуб Валенсија му оддаде совршена почит на својот навивач, Висенте Апарисио, кој иако беше слеп го обновуваше сезонскиот билет, поставувајќи негова статуа на „Местелја“.

Апарисио ослепел во своите 50-ти години, но тоа не го спречило да биде на секој домашен меч на „Ел Че“, и го обновуваше сезонскиот билет од 1994 до пред две години кога починал. Валенсија реши да го отстрани неговото старо седиште – бројот 164 во 15-тиот ред на централната трибина, и да го пополни местото со негова статуа.

Неговиот син ја посети „Месталја“ и се фотографираше на местото на статуата на неговиот татко.

-Мечот против Карслруе во 1993 година беше последен кој го гледаше на телевизија и потоа тој реши дека ќе оди на сите мечеви на „Месталја“ за да ја почувствува атмосферата. Уживаше, а јас му кажував што се случува на теренот. Во 2004 година кога Валенсија го освои УЕФА купот и Ла лига беше најсреќната година во неговиот живот- изјави неговиот син.