Спалети потпиша нов договор со Интер

70
Италијанскиот гигант Интер потпиша нов договор со тренерот Лучано Спалети, откако стратегот ќе остане на „Џузепе Меаца“ до јуни 2021 година, објави официјалната веб-страница на „нероазурите“. 
 
Минатото лето, поранешниот ментор на Рома и Зенит потпиша двегодишен договор со клубот од Милано, и не беше докрај јасно дали сака долгорочно да се поврзе со „црно-сините“. Меѓутоа, денес беше ставен крај на шпекулациите.
 
Во својата прва сезона на чело на Интер, 59-годишниот Спалети го одведе тимот до четвртото место во Серија „А“ по победата од 3:2 во Рим против Лацио во последниот круг, а со тоа и настап во Лигата на шампионите претстојната сезона.