Роналдо денес излегува од болница

73

Поранешниот најдобар светски фудбалер, Бразилецот Луис Назарио да Лима Роналдо, им се заблагодари на сите за неговата поддршка по завршувањето во болница на Ибица поради проблеми со дишењето.

Тој соопшти дека денес се враќа дома.

– Пријатели, имав многу незгоден грип на Ибица, па морав да одам во болница во петокот. Сега сė е во ред. Се враќам дома. Ви благодарам за љубовта и пораките со поддршка – напиша Роналдо на социјалните мрежи.

Поранешниот голгетер на Барселона, Реал, Интер и Милан за време на неговата кариера беше омилен кај навивачите низ целиот свет, а двапати беше шампион на светот со Бразил (1994, 2002).