Мбапе е на еден хет-трик до рекордот на Бјанки

110

Во Франција, во Лига 1, на пет кола до крајот на фудбалската сезона ПСЖ има недостижни 85 бода, 19 повеќе од второпласираниот, Лил. За ПСЖ тоа е шеста шампионска титула последниве седум години, вкупно осма во клупската историја (формиран е во 1970 година). На мечот против Монако (3-1) на кој беше заверена титулата, Килијан Мбапе постигна три гола, а првпат по отсуство од речиси четири месеци поради повредата на стапалото настапи Бразилецот Најмар.

Мбапе е првиот играч што постигнал 30 првенствени погодоци во Франција, по Жан-Пјер Папен за Марсеј во сезоната 1989/90, односно вториот фудбалер на ПСЖ што постигнал најмалку три хет-трика во Ла лига во една сезона. Поуспешен од него е само Карлос Бјанки во сезоната 1977/78 со четири меча на кои постигна по три гола.