Ибрахимовиќ и Руни кандидати за најдобар фудбалер во МЛС

131

Поранешните фудбалери на Манчестер Јунајтед Златан Ибрахимовиќ и Вејн Руни се меѓу кандидатите за наградата најдобар фудбалер во 2018 година во МЛС лигата.

Швеѓанецот, кој настапува за ЛА Галакси, исто така претендира и за наградата најдобар дебитант на сезоната.

Покрај тоа, Ибрахимовиќ е номиниран и за наградата „Враќање на годината“, која се доделува на играчи кои се враќаат во фудбал по сериозна повреда или отсуство од друга причина.

Конкуренти на Ибрахимовиќ за (најдобар) МВП-2018 се: Вејн Руни, Карлос Вела, Мигел Алмирон и Џозеф Мартинез.