Енрике на необичен начин го претстави составот на Шпанија

134

Селекторот Луис Енрике на невообичаен начин го објави составот на шпанската фудбалска репрезентација за претстојниот дуел против Хрватска во Лигата на нациите и за пријателскиот меч против БиХ, поставувајќи ги фотографиите на неговите избраници на табла што наликуваше на албум за самолепливи сликички, пренесува шпанска „Марка“.

Енрике смени една третина од фудбалерите што вообичано се во составот на „црвената фурија“, вклучувајќи 24 играчи од 14 различни клубови. 

Шпанскиот стратег го врати во составот 29-годишниот лев бек на Барселона, Жорди Алба, кој на мечот против Хрватска, ќе настапи за Шпанија за првпат по Светското првенство во Русија. Нови имиња на репрезентативниот список се Марио Хермосо (Еспањол), Пабло Форналс (Вилјареал) и Браис Мендез (Селта).

Шпанија гостува кај Хрватска во Загреб, идниот четврток, а три дена потоа ќе ја пречека БиХ во Лас Палмас.