Променлив успех на македонските шаховски репрезентации против ист противник на 23. Европско екипно првенство (ЕП), кое во девет кола се одржува во Терме Чатеж (Словенија). Машката репрезентација (рангирана 33-та пред почетокот), го доживеа и третиот пораз, овојпат од втората селекција на Словенија (рангирана 34-та) со 1-3, додека пак, женската репрезентација ја на Македонија (рангирана 31-ва), ја совлада втората селекција на Словенија (рангирана 26-та) со 3-1.
Мажите денеска остварија две поединечни ремија и два пораза, додека жените впишаа три победи и еден пораз. Цел поен против посилно рангираните ривалки, освоија ЖФМ Моника Стојковска, Ивана Манова и Сања Трајковска, која по 20 години повторно игра на ЕП.
По три одиграни кола македонските шахисти со три порази (три поена по табли), се на 38-то место во конкуренција на 39 селекции, додека шахистките се на 13-то место со една победа и еден поразд, додека во 1-то коло беа слободна или вкупно имаат три бода (6,5 поени по табли), меѓу 31-на селекција.
Во утрешното 4-то коло, шахистите ќе играат со Исланд (рангиран 27-ми), додека шахистките со силната Унгарија (рангирана 11-та). На ЕП 2021 се пријавени 39 репрезентации со 193 шахисти (127 ВМ, 37 ИМ), а кај шахистките 31 држава со 154 шахистки (11 ВМ, 23 ЖВМ). Русија (мажи и жени), која го брани златото е рангирана на првото место.
Резултати 3-то коло
МАКЕДОНИЈА – СЛОВЕНИЈА (2) 1-3
ИМ Филип Панчевски (2.490) – ИМ Јан Субељ (2.458) 0-1
ИМ Никола Николовски (2.401) – ФМ Вид Добровиоњц (2.414) реми
ИМ Тони Лазов (2.393) – ФМ Брилеј Јака (2.341) реми
Филип Михов (2.255) – ФМ Давид Стеваниќ (2.318) 0-1
СЛОВЕНИЈА (2) – МАКЕДОНИЈА 1-3
ЖИМ Ивана Хрешчак (2.138) – ЖФМ Моника Стојковска (2066) 0-1
ЖФМ Шпела Коларич (2.178) – Бојана Бејатовиќ (2031) 1-0
Пија Марие Ружич (2.049) – Сања Трајковска (1.960) 0-1
Весна Михелич (1.912) – Ивана Манова (1.809) 0-1
Г.И.
