Златан доби бронзена статуа од 500 килограми во Малме

98

Шведскиот голгетер Златан Ибрахимовиќ доби статуа пред стадионот во родниот град Малме.
Напаѓачот на Лос Анџелес Галакси денеска свечено ќе ја окрие бронзената статуа со својот лик, која е висока 2,7 метра и тешка 500 килограми.

Статуата ќе се наоѓа пред стадионот на ФК Малме, клубот каде што Ибрахимовиќ ја почна кариерата, која подоцна ја продолжи во Ајакс, Јувентус, Интер, Милан, Барселона, ПСЖ и Манчестер јунајтед.

„Многу сум среќен поради местото на кое ќе биде поставена статуата. Тоа беше мојата желба уште на почетокот. Од Малме тргнав и моето срце е таму“, изјави Ибрахимовиќ.

Тој со 62 гола е рекордер за репрезентацијата на Шведска за која одигра 116 натпревари.