Папуа Нова Гвинеја и САД се единствените земји што на новите мајки не им нудат некаков вид платено породилно отсуство. Политиките погодни за семејството се важни, бидејќи им овозможуваат на родителите поефективно да ја одржуваат рамнотежата меѓу работните и домашните обврски, додека исто така се покажа дека на децата им овозможуваат подобар почеток во животот. Породилното отсуство им овозможува на мајките да закрепнат од бременоста и породувањето и да се поврзат со своите деца, според извештајот на УНИЦЕФ од 2019 година, во кој исто така се наведува дека добро платеното заштитено отсуство од работа им помага на вработените жени да ги одржат својата заработка и поврзаност со пазарот на трудот.
Извештајот користеше податоци од „Евростат“ и од ОЕЦД, наведувајќи ги Шведска, Норвешка и Исланд како три земји со најпогодни семејни политики. Кога станува збор конкретно за породилното отсуство, извештајот го дефинира како „отсуство заштитено со обезбедена работа за вработени жени, кое обично започнува непосредно пред времето на породувањето“. Естонија нуди најдолго платено породилно отсуство од 82 недели, што е далеку пред напредните економии, како што се Канада, Велика Британија и САД. Иако Светската здравствена организација препорачува минимум 16 недели породилно отсуство, САД не нудат воопшто. Важно е да се спомене дека американскиот закон за семејство и медицински одмор од 1993 година им дозволува на новите мајки што работеле во фирма со најмалку 50 вработени да земат до 12 работни недели неплатено отсуство во текот на кој било период од 12 месеци. Сепак, ова зависи од списокот на барања, како што е мајката да работела најмалку 1.250 часа во последните 12 месеци. Но некои американски држави донесоа сопствена легислатива за поддршка на мајките и ги решија барањата за подобност на ФЕМА. И покрај напредокот на државно ниво, имаше многу мала промена во бројот на жени во САД што земаа породилно отсуство во последните 20 години.
