Обединетите нации соопштија дека лани на Антарктикот била забележана рекордно висока температура од 18,3 степени Целзиусови. Температурата била измерена во аргентинската база „Есперанца“ на 6 февруари 2020 година и го надминала претходно измерениот рекорд од 17,5 степени Целзиусови на истата локација во март 2015 година. Важно е да се нагласи дека овие температури се однесуваат само на континенталниот Антарктик, со тоа што некогаш највисоката измерена температура во целиот регион (целиот мраз/копно јужно од 60 степени географска ширина) била 19,8 степени Целзиусови на островот Сигни во јануари 1982 година.
– Потврдата на овој максимален температурен рекорд е важна, бидејќи ни помага да изградиме слика за времето и за климата на едно од најдалечните места на Земјата. Дури особено во однос на Арктикот, за Антарктикот има помалку податоци во однос на долгорочните и одржливи временски и климатски набљудувања и предвидувања, иако обете нешта играат важна улога во формирањето на климатските и океанските временски услови и зголемувањето на нивото на морето – порача професорот Петери Талас, генералниот секретар на Светската метеоролошка организација. Тој додаде дека Антарктичкиот Полуостров (во северозападниот дел во близината на Јужна Америка) е меѓу регионите што најбрзо се затоплуваат на планетата, речиси три степени Целзиусови во текот на изминатите 50 години.
