Во училишната спортска сала на ООУ „Петар Поп Арсов“, во Карпош 4, неодамна се одржа младинскиот спортски настан „Зимска фудбалска радост“ (Winter Football Joy), во организација на Фудбалската федерација на Македонија (ФФМ) и Федерацијата на училишни спортови.
Учениците од второ, трето, четврто и петто одделение имаат можност да спортуваат, да ги совладуваат фудбалските техники и да се рекреираат.
На денешниот настан присуствуваше и членот на советот при општината Карпош, Филип Даскаловски, кој во името на локалната самоуправа ги поздрави присутните, спортските работници и учениците.
– Општината ќе продолжи да инвестира во подобра спортска инфраструктура, во нови игралишта и терени, кои ќе овозможат повеќе простор и подобри услови за спортување на најмладите – рече Даскаловски.
За време на паузите на спортскиот настан, учениците добиваат здрав оброк и освежување.
Намерата е уште од рани години најмладите да стекнат здрави навики, да бидат физички активни и здраво да се хранат.
