Опозицијата предлага намалување на пратеничките плати

218

Лидерката на опозициската БСП, Корнелија Нинова, достави предлог до бугарското собрание платите на пратениците од сегашните 3.540 лева да се намалат на 2.976 лева, како и драстично да се намалат одморите. На ова следуваше реакција во владејачката ГЕРБ обвинувајќи ги социјалистите за евтин популизам.
Според политикологот и поранешен пратеник, Минчо Христов, поважно прашање од висината на платите на народните пратеници е како тие работат и дали гласаат за лоши законски решенија.
– Што ако тие имаат високи плати и поради тоа нема да бидат корумпирани. Воопшто, зошто Корнелија Нинова дури сега се одлучи на овој чекор. Јас би го поставил и прашањето за високата државна субвенција за политичките партии – изјави тој во емисијата на БТВ.

Основната дилема во бугарската јавност е прашањето за соодносот меѓу висината на просечната пензија од 200 лева и пратеничките бонуси од 4-5 илјади лева.
Новинарката Кристина Крстев смета дека времетраењето на годишните одмори на пратениците треба да биде намалено, но не и висината на платите, бидејќи тие се изложени под влијание на повеќе фактори.
– Ако во Бугарија пратенички плата е трипати повисока од просечната, тогаш во Италија пратениците добиваат плата пет пати повисока од просекот. Сепак, таму и приходите и трошоците се повисоки и не може да се зборува за споредба – заврши Крстев.
БСП го поднесе овој предлог, но 85 отсто од социјалистите се молат овој предлог да не помине во Собранието, вели пратеникот на ГЕРБ Маноил Манев.
– Тоа што другите ќе останат без плата, тоа што ќе се наруши балансот во секторот – не е важно за БСП. За нив е важно да си направат евтин пиар. Ако луѓето сакаат сиромашни пратеници нека си гласаат за нив – категоричен е пратеникот.