Коѕијас: Говорот на омраза во подем

81

Министерот за надворешни работи на Грција, Никос Коѕијас, во интервју за грчкото радио Њуз 247 изјави дека досега примил неколку закани со пратки во кои имало куршуми и кутии полни со крв и почва полеана со крв.Како што јави дописничката на МИА од Атина, шефот на грчката дипломатија говореше за зголемениот говор на омраза во Грција, за кој вели дека треба да прекине.

– Имам добиено 800 писма со закани за мојот и за животот на моето семејство. Каде е обвинителот? Овде немаме само клевета, овде имаме кривични дела што стигнуваат до злосторство. Исто како и со обидите Владата или министрите од владата да не ја извршат нивната должност, според нивен избор, како што одредува Уставот туку врз основа на уцени и закани. Ова се тешки злосторства според грчките закони, за кои не гледам некој да реагира – рече Коѕијас во интервјуто и додаде дека ги нашол и имињата и адресите и телефонските броеви на луѓето што телефонски му се заканувале, но, обвинителот не реагирал со апсење.