Жељко Обрадовиќ оди по 10-та титула првак на Европа

203

Во Виторија, Шпанија, од денеска па до недела, ќе се одржува завршниот, 32. турнир во кошаркарската Евролига на кој четирите најдобри екипи, Фенербахче, Анадолу Ефес, ЦСКА и Реал, ќе решаваат кој ќе биде новиот првак на Европа.

Србинот Жељко Обрадовиќ, на клупата на Фенербахче ќе атакува на 10-та титула европски првак во пребогатата кариера! Обрадовиќ деветте титули ги има освојувано со шест различни тима, Партизан, Хувентуд, Реал, Бенетон, Панатинаикос и Фенербахче. Зад него со пет европски титули е неговиот сонародник, Божидар Маљковиќ, со пет различни тима, Југопластика, Барселона, Лимож, Панатинаикос и Басконија. Обрадовиќ е рекордер и според бројот на настапи на фајналфорот со еден тим, Панатинакос, осум пати.

Противник на Фенербахче за кого ова е петти настап во низа во завршницата, во полуфиналето ќе му биде Анадолу Ефес со кого ова е прв фајналфор по 2000-та. Сезонава во Евролигата турските тимови играа двапати, со ефект од по една победа.
Во реприза на ланското полуфинале од Белград, Реал, 10-кратниот првак на Европа, ќе игра против ЦСКА, која сезонава двапати ги совлада во регуларниот дел. Лани „кралевите“ ја совладаа ЦСКА со 92-83 и потоа во финалето беа подобри од Фенербахче, 85-80.