Децата со инвентивни маски го одбележаа „Тиквешкиот гроздобер“

146

Манифестацијата „Тиквешки гроздобер“, која во Кавадарци се одржува повеќе од половина век, годинава блесна во прекрасно издание, во кое во дури 40 поставки продефилираа над 1.000 учесници, а меѓу нив најмногубројни, се разбира, беа децата. Кавадаречките училишта и годинава подготвија многу интересни групни маски, а ним им се придружија и младите од повеќе македонски градови.

Покрај традиционалните гроздоберчиња и буренца со вино во карневалската поворка можевме да ги видиме прекрасните мали сонца, Фиона и малите шрекчиња, малите сирени, Јапонките, прасињата, пауните, пеперутките, јунаците од приказните „Снежана и седумте џуџиња“, „Волшебникот од Оз“, „Убавицата и ѕверот“, глуварчињата, булките, винските крал и кралица и уште многу други инвентивни маски.

Доказ дека уживаат во настанот, кој стана традиција во Кавадарци, беа насмеаните детски лица.