Лавица се обиде да си игра со кадифена играчка со ликот на Симба од анимираниот филм „Кралот лав“, која со себе ја носеше девојче што ја посети Зоолошката градина во Оклахома Сити, САД. Интересната случка е забележана во видеото снимено од мајката на петгодишното девојче, кое беше објавено на социјалните мрежи.

Се чини дека лавицата помисли оти станува збор за вистинско младенче, по што го допираше заштитното стакло обидувајќи се да се доближи до играчката, а го следеше и секое движење на девојчето.