Највисокиот светски облакодер блесна во чест на Ганди

217

Највисокиот облакодер во светот се покажа во целата своја величественост по повод 150-годишнината од раѓањето на Махатма Ганди со волшебно аудиовизуелно шоу.

Облакодерот „Бурџ халифа“ во Дубаи, осветлен со живописни бои и слики на Махатма Ганди заедно со националното знаме на Индија, користејќи врвна проекција и ласерска технологија, ја воодушеви јавноста.

Облакодерот ја одбележа 150-годишнината од раѓањето на Ганди, познат како татко на нацијата во Индија. Неговиот роденден беше прославен во целиот свет за да го одбележи неговото наследство – Движењето за независност на земјата преку ненасилни средства.

Настани беа организирани и во многу други делови на светот вклучувајќи ги Маврициус, Саудиска Арабија, Либан, Мјанмар, Швајцарија и Индија.