Кина ја испрати мисијата за собирање материјал од Месечината

164

Кина објави дека успешно лансирала ракета со робот за да собере примероци од  Месечината, со што ќе стана првата земја што тоа го прави од 1970 година.

Ракетата наречена „Лонг март -5“ беше лансирана рано утринава во средноевропско време од островот Хаинан, јави „Ројтерс“.

Мисијата „Чканг Е-5“, именувана по античката кинеска божица на Месечината, ќе собере материјал од Месечината за да им помогне на научниците да дознаат повеќе за потеклото и формирањето на Месечината.

Доколку мисијата биде успешна, Кина ќе биде третата земја што ќе врати примероци од Месечината, по САД и Советскиот сојуз.

Вселенското летало се очекува да ги врати примероците на Земјата за 23 дена, а Кина минатата година го имаше своето прво беспилотно слетување на Земјиниот сателит.

Кина годинава лансираше сонда кон Марс, а во 2022 година планира да има постојан човечки екипаж во вселената.