„Атлас 5“ ја покрена мисијата на „Х-37Б“

306

Вселенскиот авион Х-37Б беше успешно лансиран од Кејп Канаверал со употреба на ракета „Атлас 5“.

Лансирањето беше успешно завршено еден ден подоцна од планираното. Програмата за лансирање беше одложена поради лошите временски услови. Ова летало е попознато како ОТВ, а неговата задача ќе биде да го испорача сателитот во орбитата и да тестира одредена технологија.

За X-37Б, тоа е шеста мисија. Авионот нема екипаж и е контролиран со далечински управувач од Земјата.

Лансирањето е посветено на оние кои се во првите редови на борбата против пандемијата на коронавирус, како и на оние кои се заразени и се борат со болеста ковид-19. На ракетата е напишана пораката „Силна Америка“, пишува Би-би-си.

За оваа програма не е познато многу. Пентагон досега не ги откри деталите за своите мисии, така што овој мистериозен авион исто така остана обвиткан во тајност.