Помина една година откако се случија смртоносните пожари во Грција, кои гореа во близината на Атина. Во пожарите животот го загубија 102 лица, а сѐ што пожарот остави зад себе, се изгорени градби и неплодна земја. Одморалиштето Мати, кое се наоѓа источно од Атина, беше популарно кај децата во летните денови и исполнето со смеа. Сега, една година по несреќата, местото наликува на град со духови.
