Кинеска симулација на животот на Марс во стилот на „Војна на ѕвездите“

105

Околу сто тинејџери во Кина ја тестираа својата издржливост во текот на пет часа поминати во колонија која ја симулира пустинската површина на Марс. Сместена во провинцијата Гансу, колонијата ги отвори своите порти за љубопитните посетители.

Со овој проект Кинезите се надеваат дека ќе се зајакне туризмот и дека ќе им овозможи на посетителите да се чувствуваат како на црвената планета. Покрај тоа што ќе биде туристичка атракција, колонијата соработува со Астрономскиот центар на Кина и ќе биде користена како центар за обука на астрономи. Самата колонија наликува на сетови од „Војна на ѕвездите“.

– Многу сум возбуден што сум овде. Кога дојдовме веднаш ги забележавме кратерот и пештерата. Колонијата изгледа подобро од сликата што ја имав замислено пред нашето пристигање – изјави еден од првите посетители за неговите впечатоци.