Заврши редовната есенска акција во која беа дератизирани околу пет илјади шахти на територијата на општината Карпош. Во рамките на оваа активност, локалната самоуправа изврши темелна дезинфекција, дезинсекција и дератизација на сите основни училишта и детски градинки што се под нејзина надлежност.
– Општината секоја година напролет и наесен презема тековна иницијатива за уништување штетни глодачи и инсекти, како превенција од евентуално ширење заразни болести – информираат од општината.
